Novel Piya Main Teri پیا_میں_تیری🔥

”نجمہ بنت عبدالرحمان ملک آپ کو محیب ولد اجلال ملک کے نکاح میں ۔۔۔۔۔۔۔۔“مولوی صاحب کے اتنے الفاظ سننے کے بعد نجمہ کا ذہن مفلوج ہوگیا تھا۔۔۔۔اسے سمجھ ہی نہیں آرہا تھا۔۔۔

کیسے صرف ایک ہفتے میں اس کی زندگی الٹ پلٹ ہوگٸ؟؟۔۔۔

کیسے اس کے سارے خواب چکنا چور ہوگٸے؟؟۔۔۔۔

کیسے وہ ان ظالموں میں پھنس گٸ؟؟۔۔۔۔

اس کی آنکھیں سرخ انگاروں کی مانند لال ہورہی تھیں۔۔۔۔جن سے موتی مسلسل بہے جارہے تھے۔۔۔۔مگر اس کی ماں کے سوا کوٸی نہیں تھا جو اس کے آنسو صاف کرتا ۔۔۔۔وہ بھی مجبور کھڑی تھیں۔۔۔۔

اس کی زندگی کو تباہ ہوتے دیکھ رہی تھیں۔۔۔۔وہ مجبور خاتون اور کر بھی کیا سکتی تھیں۔۔۔

”چلو دولہن صاحبہ۔۔۔۔“مولوی صاحب اور چند دیگر مہمانوں کے جانے کے بعد محیب نے سب گھر والوں کے سامنے اس کا ہاتھ تھامتے ہوۓ حاکمانہ انداز میں کہا۔۔۔

یہ الفاظ سنتے ہی وہ جو بت بنے بیٹھی تھی ۔۔۔۔پوری جان سے کانپ اٹھی۔۔۔۔

”میں تمھارے ساتھ نہیں جانے والی ۔۔۔چھوڑو میرا ہاتھ۔۔۔“وہ نازک صفت پوری طاقت سے اس ستم گر سے اپنا ہاتھ چھڑوانے کی کوشش کرنٕے لگی۔۔۔۔

”جانا تو تمھیں پڑۓ گا۔۔۔۔“قطعی انداز میں بھرم سے کہتے ہوۓ۔۔۔۔اس نے نجمہ کا ہاتھ کھینچنا شروع کردیا۔۔۔۔

”مام۔۔۔۔بچاٸیں مجھے۔۔۔۔مجھے نہیں جانا اس گھٹیا انسان کے ساتھ۔۔۔مام۔۔۔۔۔“اس کی چیخوں سے پورا لاونج گونج رہا تھا۔۔۔۔

”جانا تو پڑۓ گا ۔۔۔کیونکے اب میں تمھارا ہسبینڈ ہوں۔۔۔“وہ فاتحانہ مسکراہٹ چہرے پر سجاۓ گویا ہوا۔۔۔

”محیب کیا مزاق ہے یہ؟؟۔۔۔۔تمھیں اچھی طرح علم ہے یہ شادی اِن مقاصد کے لیے نہیں ہوٸی۔۔۔میں اس طواٸف کی بیٹی کو کبھی تمھارے کمرے کی زینت بنتے نہیں دیکھ سکتی۔۔۔۔“مبشرہ بیگم نجمہ پر حقارت بھری نظر ڈالتے ہوۓ اپنے بیٹے سے مخاطب ہوکر ۔۔قطعی انداز میں کہنے لگیں۔۔۔۔

”مام یہ باتیں بعد میں کر لیں گے۔۔۔ابھی مجھے میرے کمرے میں جانا ہے۔۔۔“یہ پہلی بار تھا جب محیب مبشرہ بیگم کی کسی بات پر لاپرواہی کا مظاہرہ کررہا تھا۔۔۔۔

اس کا جواب مبشرہ بیگم کو سخت حیرت میں ڈال گیا تھا۔۔۔۔۔۔

”محیب بیٹا۔۔۔۔تمھاری بیوی کا حق ہے یہ تو۔۔۔تم یہ حق اِسے کیسے دے سکتے ہو؟؟۔۔۔۔چھوڑ دو اس کا ہاتھ۔۔۔۔تمھارے کمرے کی زینت بننے کے قابل نہیں ہے یہ۔۔۔۔اسے اتنا بڑا درجہ نہ دو۔۔۔۔“دادو اب مزید اپنے جان سے پیارے پوتے کے ہاتھ میں نجمہ کا ہاتھ برداشت نہیں کرپارہی تھیں۔۔۔وہ نجمہ اور اسکا ہاتھ جدا کرنے کی نیت سے آگے بڑھتے ہوۓ بولیں۔۔۔۔

”دادو یہ شادی آپ ہی لوگوں نے کرواٸی ہے میری۔۔۔“وہ اپنا غصہ ضبط کر۔۔۔آواز کو باقدرے نارمل رکھنے کی کوشش کرتے ہوۓ گویا ہوا۔۔۔۔

”ڈیڈ پلیز سمجھاٸیں ان سب کو۔۔۔۔۔آپ بخوبی جانتے ہیں مجھے یہ خواہمخواہ کے تماشے پسند نہیں ہیں۔۔۔۔“اس کی آواز دھیمی تھی مگر لہجہ برف سے زیادہ سرد۔۔۔۔۔

”محیب اجلال ملک اپنے فیصلوں میں کسی کا دخل برداشت نہیں کرتا۔۔۔۔“وہ ایک نگاہ لاونچ میں موجود تمام لوگوں پر ڈالتے ہوۓ۔۔۔سخت لہجے میں اعلانیہ کہ کر۔۔۔نجمہ کا نازک ہاتھ پکڑ کر کھینچتے ہوۓ سیڑھیوں کی جانب بڑھنے لگا۔۔۔۔

”چھوڑو مجھے ۔۔۔۔۔۔۔میں نے کہا چھوڑو۔۔۔۔۔مام بچاٸیں۔۔۔۔“وہ اپنی پوری جان لگاکر اس ظالم کی گرفت سے اپنا ہاتھ چھڑانے کی کوشش کررہی تھی۔۔۔۔

اس کے ہاتھوں کی کچھ لال چوڑیاں اس احتجاج میں ٹوٹ کر زمین پر بکھر رہی تھیں۔۔۔تو کچھ اس کے خوبصورت ہاتھوں کو زخمی کررہی تھیں۔۔۔۔

”بہت ہوگیا۔۔۔“وہ غصے سے جزبز ہوکر کہتا ہوا رکا۔۔۔۔

اگلے ہی لمحے اسنے جھک کر نجمہ کو اپنے کندھے پر بوری کی طرح اٹھالیا۔۔۔۔

اس بےبس لڑکی کی چیخیں پورے گھر میں گونج رہی تھیں۔۔۔مگر اس کی مدد کرنے والا کوٸی نہ تھا۔۔۔۔۔

ایک ہفتہ پہلے:-

”ایک ہفتے کی تو بات ہے۔۔۔۔پھر میں واپس آجاٶں گی۔۔۔پھر شادی کی ساری شاپنگ ایک ساتھ کریں گے۔۔۔۔“نجمہ نے مسکراتے ہوۓ زارون کو دیکھ کہا۔۔۔۔

”یار۔۔۔مجھے ابھی بھی تمھارا وہاں اکیلے جانا ٹھیک نہیں لگ رہا ۔۔۔۔“اس خوبرو نوجوان کے چہرے پر پریشانی و خوف کے اثار نمایا تھے۔۔۔۔۔اس کے لہجے میں فکر کا عنصر جھلک رہا تھا۔۔۔۔

وہ دونوں ہاتھ سینے پر باندھے۔۔دیوار سے ٹیک لگاٸے۔۔۔۔ نجمہ کو سوٹ کیس تیار کرتا ہوا دیکھ رہا تھا۔۔۔

”او۔ہو۔۔۔اتنا پریشان کیوں ہورہے ہو؟؟۔۔۔۔مام کی کال آٸی تھی دو ہفتوں پہلے۔۔۔۔بہت مس کررہی ہیں مجھے۔۔۔۔۔ساتھ ساتھ بہت اصرار کررہی تھیں کے میں پاکستان واپس آٶں۔۔۔کم از کم اپنے کزن کی شادی میں شرکت ہی کرلوں۔۔۔ایک وقت میں نے انھیں ٹالنے کی سوچا بھی۔۔۔اور ٹال بھی دیا تھا۔۔۔مگر پھر کل رات بڑے ابو کی کال آٸی۔۔۔انھوں نے بھی بہت اصرار کیا۔۔۔۔۔۔میں تو ابھی تک اسی شاکڈ میں ہوں کے بڑے ابو نے خود مجھ سے کہا کے بیٹا اپنے بھاٸی کی شادی میں شرکت نہیں کرٶ گی؟؟؟۔۔۔۔یقین مانو اس لمحے مجھے لگا میں رو دوں گی۔۔۔۔انھوں نے زندگی میں پہلی بار مجھ سے اتنی اچھی طرح بات کی ہے۔۔۔۔میں انھیں منع نہیں کرسکی۔۔۔۔۔۔ویسے بھی اب بہت سال گزر چکے ہیں۔۔۔“نجمہ نے اسکی جانب دیکھتے ہوۓ۔۔۔مسکرا کر کہا۔۔۔۔

وہ دل کی صاف تھی۔۔۔شاید اس لیے اسے دوسری جانب بھی سب اچھا ہی نظر آرہا تھا۔۔۔۔

”مجھے پتا نہیں کیوں ۔۔۔۔ٹھیک نہیں لگ رہا تمھارا وہاں اکیلے جانا۔۔۔میری مانو۔۔۔مجھے ساتھ لے چلو۔۔“وہ کافی زور دیتے ہوۓ کہنے لگا۔۔۔۔

”نہیں نہیں۔۔۔۔تمھیں وہاں اپنے ساتھ لے جانا ابھی ٹھیک نہیں ہوگا۔۔۔۔میں نے مام سے ابھی تک تمھارے بارے میں بات نہیں کی ہے۔۔۔۔پہلے میں وہاں جاکر حالات کا جاٸزہ لوں گی۔۔۔پھر مام سے بات کرنے کے بعد تمھیں ان سے ملنے کے لٸے کسی ریسٹورنٹ میں بلا لوں گی۔۔۔۔میں نہیں چاہتی تم ملک مینشن آٶ۔۔۔۔“پرانی تلخ یادوں نے جیسے اسے گہر لیا تھا۔۔۔۔وہ آخری جملہ خاصہ مفاہمانہ انداز میں منہ بسورتے ہوۓ بول رہی تھی۔۔۔۔

زارون سمجھتا تھا اسے۔۔۔۔۔اس لیے مزید کوٸی بحث نہ کی۔۔۔۔

”ہمم۔۔۔۔ٹھیک ہے۔۔۔میں انتظار کرٶں گا۔۔۔“وہ اداس لہجے میں اثبات میں سر ہلاتے ہوۓ کہنے لگا۔۔۔۔

”ویسے ایک ہفتے میں کتنے دن ہوتے ہیں؟؟“وہ بیڈ پر آکر بیٹھتے ہوۓ۔۔۔۔معصومیت چہرے پر سجاۓ ۔۔۔۔نجمہ کو دیکھ استفسار کرنے لگا۔۔۔۔

”سات دن۔۔۔“وہ مسکراتے ہوۓ ۔۔۔اس کا اداس چہرہ دیکھ۔۔۔جواب دہ ہوٸی۔۔۔۔۔

”سات دن۔۔۔افففف۔۔۔۔میرے اللہ۔۔۔میں کیسے رہوں گا یار ؟؟۔۔۔یہ تو بہت زیادہ ہیں۔۔۔پھر ہماری شادی کی بھی ابھی تیاری نامکمل ہے۔۔۔کیوں ناں تم صرف تین دنوں کے لٸے چلی جاٶ۔۔۔۔“اس کی آنکھوں میں چمک ابھری تھی یہ آٸیڈیا دیتے ہوۓ۔۔۔

”زارون ۔۔۔ایک ہفتے کی ہی تو بات ہے۔۔۔دیکھنا یوں گزر جاٸیں گے۔۔۔ویسے بھی تم کون سہ روز میرے اپارٹمنٹ کے چکر لگاتے ہو؟؟۔۔۔۔۔“وہ کپڑے ہینگر سے نکال۔۔۔سوٹ کیس میں سلیقے سے رکھتے ہوۓ۔۔۔اسکی جانب دیکھ کر شکوتاً گویا ہوٸی۔۔۔۔۔

”تو کیا؟؟۔۔۔ہر تین چار گھنٹے بعد کال تو کرتا ہو ناں۔۔۔“وہ خاصہ جتاتے ہوۓ جوابِ شکوہ دینے لگا۔۔۔۔

جسے سن۔۔۔ وہ مسکرا دی۔۔۔

”اچھا انکل کو یاد سے بتا دینا۔۔۔میں جلدی میں انھیں تو بتانا ہی بھول گٸ۔۔۔۔“نجمہ کو کپڑے نکالتے وقت اچانک زارون کے والد کی یاد آٸی۔۔۔جس پر اسنے تیزی اپنے سامنے موجود خوبرو نوجوان کو دیکھ کہا۔۔۔۔۔

”اوکے۔۔۔۔ویسے تمھیں ڈیڈ سے بات کرنی چاہیے تھی ۔۔اتنا بڑا فیصلہ لینے سے پہلے۔۔۔۔۔“وہ آنکھیں چھوٹی کرتے ہوۓ۔۔۔مشورتاً گویا ہوا۔۔۔۔

”ہاں۔۔۔پر۔۔۔مجھے یقین ہے انکل مجھے میرے فیصلے خود کرنے دیں گے۔۔۔جیسے آج تک کرنے دیے۔۔۔۔۔وہ مجھے تمھاری طرح روکنے کی کوشش نہیں کریں گے۔۔۔“وہ بڑی بڑی آنکھیں دیکھاتے ہوۓ ۔۔۔۔تیزی سے بولی۔۔۔۔

”اچھا بھٸی۔۔۔نہیں کررہا تمھیں روکنے کی کوشش۔۔۔۔مگر پلیز یار۔۔۔مجھ سے وہاں جانے کے بعد مکمل رابطے میں رہنا۔۔۔۔“وہ منتی انداز میں کہنے لگا۔۔۔۔

جس پر وہ مسکراتے ہوۓ اثبات میں سر ہلانے لگی۔۔۔۔”اوکے باس۔۔۔“

”ہم باس کہاں۔۔۔باس تو آپ ہیں میڈم۔۔۔۔“وہ شکوتاً منہ بسور کر کہنے لگا۔۔۔۔”اگر ہم ہوتے تو اس وقت آپ یہ پیکنگ نہ کررہی ہوتیں۔۔۔“

”اچھا جانے سے قبل ۔۔۔اپنے ہاتھ کی بریانی ہی کھلا دو۔۔۔۔ایک ہفتے تک ورنہ ترسنا پڑۓ گا مجھ غریب کو۔۔۔۔“وہ بھولا سہ چہرہ بناۓ۔۔۔۔فرماٸش کرنے لگا۔۔۔۔

”اب میں جانے کی پیکنگ کرٶں یا تمھارے لیے بریانی بناٶں؟؟“وہ ایک ہاتھ کمر پر ٹکاکر۔۔۔۔منہ بگاڑتے ہوۓ بولی۔۔۔۔

”یار بنادو ناں ۔۔۔بہت دل چاہ رہا ہے۔۔۔۔“اس نے لچک دار انداز میں اپنی فرماٸش پر زور دیا۔۔۔۔

”اچھا اچھا۔۔۔اب اتنا کیوٹ فیس مت بناٶ۔۔۔بناتی ہوں ابھی۔۔۔“بہت محبت تھی اسے زارون سے۔۔۔اور کیونکر نہ ہوتی۔۔۔۔وہ پوری دنیا میں جازع کے بعد اس کا واحد دوست تھا۔۔۔۔۔

جازع کے بعد ۔۔۔۔ آج تک اس نے ایک ہی دوست بنایا تھا اور وہ تھا زارون۔۔۔۔

اس کا سکھ دکھ کا ساتھی۔۔۔۔

زارون کے سامنے نجمہ کی پوری زندگی کھلی کتاب کی مانند تھی۔۔۔۔شاید یہی سبب تھا کے وہ بالکل فری ہوکر اس سے اپنی ہر بات شیٸر کرلیتی تھی۔۔۔۔

زارون اس کی فیلنگس کو سمجھتا تھا اور یہی بات اسے نجمہ کی زندگی میں اولین درجے پر رکھتی تھی۔۔۔۔۔

”کیا بریانی بناٸی ہے یار۔۔۔دل چاہ رہا ہے ہاتھ چوم لوں تمھارے۔۔۔۔“وہ پہلا لقمہ کھاتے ہی نجمہ کا ہاتھ پکڑ۔۔۔چومنے کی نیت سے اپنے ہونٹوں کے نزدیک لے جاتے ہوۓ بولا۔۔۔۔

”زارون۔۔۔“اس نے احتجاجاً اپنی آنکھیں بڑے کرتے ہوۓ۔۔۔اسے گھورا۔۔۔۔

اُس شرارتی لڑکے کی آنکھوں میں شوخی مچل رہی تھی۔۔۔جسے نجمہ نے پڑھ لیا تھا۔۔۔

”اچھا بھٸی ۔۔۔۔“وہ ہاتھ آہستگی سے نیچے کی جانب کرتے ہوۓ۔۔۔منہ بسور کہنے لگا۔۔۔۔

”ہاتھ تو چھوڑو۔۔۔“وہ اپنا ہاتھ چھڑانے کی ہلکی سی کوشش کرتے ہوۓ کہنے لگی۔۔۔۔

”مجھے بھی کھانا کھانا ہے۔۔۔“زارون نے اسکی بات کو مکمل اگنور کرتے ہوۓ۔۔۔اس کا ہاتھ تھامے رکھا۔۔۔اور دوسرے ہاتھ سے چمچے میں چاول بھر کر منہ میں ڈالے۔۔۔۔۔جس پر نجمہ نرمی سے احتجاجا کہنے لگی۔۔۔۔

”تو کھا لو۔۔۔۔میں نے روکا تھوڑی ہے۔۔۔سیدھا ہاتھ فری ہے تمھارا۔۔۔۔“وہ ہاتھ چھوڑنے کا ارادہ نہیں رکھتا تھا۔۔۔۔

”شادی کے بعد بھی ایسے ہی ہاتھ پکڑ کر کھانا کھانا۔۔۔۔پھر مانو گی کے محبت کرتے ہو مجھ سے۔۔۔“وہ چیلنج دینے والے انداز میں ۔۔۔۔شرارت بھری نگاہیں اس کے وجود پر ڈالے بولی۔۔۔۔

”صرف ہاتھ؟؟۔۔۔۔“وہ ذومعنی انداز میں کہ کر ۔۔اسکے حسین سراپے کو تکنے لگا۔۔۔۔

جس پر وہ جھیپ کر نظریں جھکا گٸ تھی۔۔۔۔

”افف۔۔۔ایسے نہ شرمایا کرٶ۔۔۔۔میرے دل پر بجلیاں گراتا ہے تمھارا یوں شرمانا۔۔۔“وہ فدا فدا نظروں سے اسے تکتے ہوۓ کہنے لگا۔۔۔۔

”تم کھانا کھاٶ ۔۔۔“اس کے گال گلابی گلابی سے ہوگٸے تھے۔۔۔۔مزید اس کی رومانی نظریں اپنے وجود پر برداشت کرنا اب مشکل ہورہا تھا۔۔۔بڑی ہمت جمع کر۔۔۔۔۔۔شرمیلی سی مسکراہٹ اپنے چہرے پر سجاۓ اسے ٹوکا۔۔۔۔

جس پر وہ مسکراتے ہوۓ ۔۔۔اس دلفریب دلربا کا شرمیلا سراپا اپنی آنکھوں میں بسانے لگا۔۔۔۔

”کل اٸیرپورٹ کتنے بجے جاٶ گی۔۔۔مجھے بتا دو ۔۔۔“نجمہ کھانے کا سامان سمیٹ رہی تھی کھڑے ہوکر ۔۔۔۔تو زارون نے پانی کا گلاس منہ سے لگاتے ہوۓ کہا۔۔۔

”میں دو بجے تک جاٶں گی۔۔۔مگر تمھیں ضرورت نہیں ہے آفس چھوڑ کر آنے کی۔۔۔میں خود چلی جاٶں گی۔۔۔ویسے بھی اٸیرپورٹ پر محیب ہوگا۔۔۔۔“

محیب کا نام سن ۔۔۔زارون پانی پیتے پیتے رکا۔۔۔۔

”محیب؟؟۔۔۔۔“اس کے چہرے پر الجھاپن نمایا تھا۔۔۔

”ہاں۔۔۔بڑے ابو نے کہا ہے کے محیب کسی اپنے کام کے سلسلے میں کیلفورنیا آیا ہوا ہے۔۔۔۔تو میں اس کے ساتھ ہی واپس پاکستان آجاٶں۔ ۔۔۔۔وہ اٸیرپورٹ پر ملے گا مجھے۔۔۔۔“نجمہ نے لاپرواہی سے برتن دھوتے ہوۓ جواب دیا۔۔۔۔

”اتنے مہربان کیوں ہورہے ہیں یہ لوگ ؟؟“زارون فورا ابرو اچکاکر۔۔۔۔مشکوک انداز میں کہنے لگا۔۔۔۔

نجمہ کچن میں کھڑی برتن دھو رہی تھی۔۔۔۔جب زارون اس کے پیچھے آکر کھڑا ہوا۔۔۔۔

”وہ کام سے آیا ہوا ہے۔۔۔۔خاص طور پر مجھے لینے نہیں آیا۔۔۔۔تو پھر مہربانی کیسی؟؟“نجمہ نے زارون کی جانب مڑ کر۔۔۔۔ مسکراتے ہوۓ جواب دیا ۔۔۔۔

”مگر میں پھر بھی تمھیں اٸیرپورٹ چھوڑنے آٶں گا۔۔۔۔“زارون نے قطعی انداز میں کہا۔۔۔۔۔

”کوٸی ضرورت نہیں ہے۔۔۔کہا ناں میں نے۔۔۔۔پاکستان سے واپس آنے کے بعد مجھے بہت ساری شاپنگ کرنی ہے ہماری شادی کی۔۔۔۔۔۔جو میں تمھارے ساتھ کرنا چاہتی ہوں۔۔۔پھر تمھارا وہ سڑیل باس چھٹی نہیں دے گا۔۔۔۔اس لیے ابھی چھٹی لینے کی سوچنا بھی مت۔۔۔۔“وہ حاکمانہ انداز میں اسے دیکھ کہنے لگی۔۔۔۔

جس پر وہ ناچاہتے ہوۓ بھی اثبات میں سر ہلانے لگا۔۔۔

”تم؟؟۔۔۔“وہ ابھی سامان لے کر گھر سے نکلی ہی تھی کے سامنے زارون کو کھڑا دیکھ چونکی۔۔۔۔

”ہاں میں۔۔۔کیوں ؟؟۔۔۔کسی اور کا انتظار تھا آپ کو؟؟“وہ ابرو اچکاتے ہوۓ۔۔۔۔تفتیشی افسران کی طرح پوچھنے لگا۔۔۔۔

”زیادہ اسمارٹ مت بنو۔۔۔۔یہ بتاٶ ۔۔۔آفس سے چھٹی کیوں لی ؟؟۔۔۔منع کیا تھا میں نے “وہ جانتی تھی اس طرح سوالات پوچھ کر وہ اپنی غلطی کور کر رہا ہے۔۔۔جس کے سبب وہ برہم انداز میں دونوں ہاتھ فولٹ کرتے ہوۓ۔۔۔استفسار کرنے لگی۔۔۔۔

”یار۔۔۔مجھ سے رہا نہیں گیا۔۔۔“وہ دنیا جہاں کی معصومیت چہرے پر سجاۓ گویا ہوا۔۔۔

مقابل کی آنکھوں میں محبت جھلک رہی تھی۔۔۔وہ کیسے نظرانداز کردیتی اپنی خفگی میں۔۔۔۔اس لیے مزید کوٸی بحث نہ کی۔۔۔وہ جانتی تھی بہت مشکل ہونے والا یہ ایک ہفتہ۔۔۔۔

اس سے بات کیے بغیر ایک دن گزارنا مشکل ہے ۔۔۔۔پھر یہاں تو بات پورے ایک ہفتے کی تھی۔۔۔

وہ خود بھی خوشی و غمی کی ملی جھلی کیفیت سے دوچار تھی۔۔۔۔

خوشی کے اتنے سالوں بعد اپنی ماں اور خاندان والوں سے ملے گی۔۔۔۔۔

غم فقط اتنا ۔۔۔۔کے سامنے کھڑے اس خوبرو نوجوان کو ایک ہفتے تک دیکھ نہیں سکے گی۔۔۔۔۔

”کیا ہوا؟؟۔۔۔۔۔کچھ زیادہ ہی خوبصورت لگ رہا ہوں کیا آج ؟؟“وہ اس کی آنکھوں میں ابھرتی محبت کو بھاپ گیا تھا۔۔۔اس لیے شوخی سے۔۔۔ اس کے قریب آکر استفسار کرنے لگا۔۔۔۔

”بندر لگ رہے ہو پورے۔۔۔“اس کی شوخ نگاہیں پڑھتے ہی۔۔۔وہ تیزی سے اپنے چہرے کے تاثرات بدل گٸ تھی۔۔۔۔۔منہ بسور کر کہتی ہوٸی ۔۔۔۔اپنے چہرے پر آنے والی آوارا لٹ کو پھونک مار کر ۔۔۔اک ادا سے اتراتے ہوۓ ۔۔۔۔برابر سے گزر کر لفٹ کی جانب بڑھنے لگی۔۔۔۔۔

وہ اس کی انھی دلفریب اداٶں پر ہی تو اپنی جان وارتا تھا۔۔۔۔

مسکراتے ہوۓ ۔۔۔سر جھٹک کر۔۔۔۔سوٹ کیس کا ہینڈل پکڑ کر کھیچنے لگا۔۔۔۔

پورے راستے۔۔۔ بس اسکے وجود کو ہی دیوانوں کی طرح تکتا رہا۔۔۔۔

”چلو اپنا خیال رکھنا۔۔۔۔پتا نہیں کیوں یار۔۔۔میرا دل ابھی بھی مطمئن نہیں ہے تمھیں وہاں بھیجنے پر۔۔۔“وہ اٸیرپورٹ کے ویٹنگ روم میں اس کا ہاتھ پکڑ کر فکرمند لہجے میں کہنے لگا۔۔۔۔۔

پتا نہیں کیوں۔۔۔مگر دل تو نجمہ کا بھی بہت اداس ہورہا تھا۔۔۔۔۔۔

ایک انجان سہ خطرہ محسوس کررہی تھی وہ۔۔۔۔۔مگر زارون سے اس کا ذکر نہ کیا۔۔۔۔

کیونکے وہ واقف تھی پھر زارون جانے نہیں دے گا۔۔۔چاہے وہ کتنی ہی ضد کرلے۔۔۔۔

”ارے بابا۔۔۔۔پھر شروع مت ہوجانا۔۔۔۔۔مسکراتے ہوۓ وادع دو مجھے۔۔۔تاکے مسکراتی ہوٸی ہی تمھیں واپس اسی اٸیرپورٹ پر ایک ہفتے بعد ملوں۔۔۔۔“وہ بڑی محبت سے زارون سے وداع لینے لگی۔۔۔۔۔

”ویسے وہ محیب کہاں ہے؟؟۔۔۔“زارون پورے روم میں نظر دوڑاتے ہوۓ استفسار کرنے لگا۔۔۔۔

”پتا نہیں۔۔۔۔اگر وہ نہ آۓ تو ہی اچھا ہے۔۔۔میں اکیلے زیادہ کمفرٹیبل فیل کرٶں گی۔۔۔۔“نجمہ نے بےنیازی سے کہا۔۔۔۔۔۔

”چلو اللہ حافظ۔۔۔“زارون نے مسکراتے ہوۓ وداع لی۔۔۔۔

دل نہیں چاہ رہا تھا اس کا ہاتھ چھوڑنے کا۔۔۔۔

وہ دو تین ثانیوں کے لیے اسکے حسین سراپے کو آنکھوں میں خاموش کھڑا بساتا رہا۔۔۔۔۔۔

”کیا؟؟۔۔۔“اس کی نگاہوں کی تپش نجمہ کو جھیپنے پر مجبور کررہی تھی۔۔۔۔وہ نظریں جھکاۓ ۔۔۔مسکراتے ہوۓ ٹوکنے لگی۔۔۔

”کچھ نہیں۔۔۔اپنا خیال رکھنا۔۔۔۔یاد رکھنا میری نجمہ تمھارے پاس امانت ہے۔۔۔۔“اس کے الفاظ اسکے دل کی سچی محبت کی ترجمانی کررہے تھے۔۔۔۔۔بتارہے تھے کتنی الفت ہے اسے۔۔۔۔۔

وہ اثبات میں سرہلانے لگی۔۔۔

”اللہ حافظ۔۔۔ اپنا بھی بہت خیال رکھنا۔۔۔۔اور میرے پیچھے کلب جانے کی سوچنا بھی مت۔۔۔۔مسڑ زارون یاد رکھیے گا۔۔۔۔۔میں نے اپنے جاسوس آپ کے پیچھے سے ہٹاٸیں نہیں ہیں ابھی۔۔۔۔“وہ خاصہ جتاتے ہوۓ۔۔۔تنبیہہ کرنے لگی۔۔۔۔

”جی جی یاد ہے مجھے۔۔۔ویسے بھی وہ دونوں مجھے اپنے کم اور تمھارے والدین زیادہ لگتے ہیں۔۔“وہ منہ بگاڑتے ہوۓ۔۔۔خود پر مظلومیت ظاہر کرتے ہوۓ گویا ہوا۔۔۔۔

جس پر وہ مسکرانے لگی۔۔۔۔

اس کا آہستگی سے ہاتھ چھوڑنا۔۔۔جیسے نجمہ کی آنکھوں میں ہی رہ گیا تھا۔۔۔۔۔

اسے جاتا دیکھ آنکھوں میں نمی اتر آٸی۔۔۔۔یہ پہلی بار تھا جب وہ اس سے دور جارہی تھی۔۔۔

وہ کانوں پر ہینڈ فری ۔۔۔اور نظریں سیل پر جماۓ دنیا سے لاپرواہ ۔۔اپنی ہی دھن میں مگن تھی۔۔۔کے اچانک اسے اپنے پاس رکھے سفید رنگ کے صوفے پر کوٸی بیٹھتا ہوا محسوس ہوا۔۔۔اس نے نظر تیزی سے اس شخص کی جانب اٹھاٸی۔۔۔

سفید سوہٹر پر بلیک رنگ کا کوٹ اور جنیز پہنے ایک نہایت وجیہہ مرد اس کی نگاہ کے سامنے پُروقار انداز میں بیٹھا ہوا نظر آیا۔۔۔

وہ محیب تھا یہ نجمہ نے پہلی ہی نگاہ اس پر ڈالتے ہی جان لیا تھا۔۔۔۔

اسے اتنے سالوں بعد پہلی ہی نظر میں پہچان لینے کی وجہ اس کی خوبصورتی نہیں تھی۔۔۔بلکے اس کی سیدھی ابرو پر لگا وہ کٹ کا نشان تھا جو بچپن میں اسنے ہی دیا تھا۔۔۔۔

وہ نشان اسے اپنی سالوں پرانی فتح یاد دلا گیا تھا۔۔۔جس پر وہ آج بھی دل ہی دل خوش ہوٸی تھی۔۔۔۔

وہ الگ بات تھی یہی فتح ۔۔۔اتنے سالوں سے اسکی ماں سے جداٸی کا سبب بنی تھی۔۔۔۔

پہلی ہی نگاہ میں نجمہ نے اسے دیکھ ۔۔دل ہی دل اعتراف کیا تھا کے کمبخت بڑا ہی حسین ہے۔۔۔۔

اس کی نگاہوں کی تپش نے محیب کو آگاہ کیا کے مقابل اسے ستاٸشی نگاہوں سے تک رہی ہے۔۔۔۔

جس پر اس نے ایک بےنیازی سی نگاہ سامنے بیٹھی خوبصورت لڑکی پر ڈالی۔۔۔۔جو سفید رنگ کی شرٹ اور بلیک جینز میں ملبوس تھی۔۔۔۔اس کی گھنی سیاہ زلفیں کمر کو مکمل ڈھانکے ہوۓ تھیں۔۔۔کانوں میں ہینڈ فری لگاۓ۔۔۔وہ اسکی جانب دیکھ رہی تھی۔۔۔۔

دودھیاٸی رنگت پر ۔۔۔ لاٸٹ پنک میک۔اپ کیے وہ کسی پری سے کم معلوم نہیں ہورہی تھی۔۔۔۔۔

” میری کافی اب تک کیوں نہیں آئی؟؟“وہ اپنی سیکرٹری سے متوجہ ہوکر ۔۔۔اپنے مغرور انداز میں استفسار کرنے لگا۔۔۔۔

”سر۔۔۔۔دو منٹ پلیز۔۔۔“نجمہ نے اسکی سیکرٹری کی جانب دیکھا۔۔۔۔جو نہایت حسین و جمیل اور مغربی لباس میں ملبوس تھی۔۔۔۔محیب کی سیکرٹری لچکدار انداز میں کہ کر وہاں سے تیزی سے چلی گٸ۔۔

کمرے میں مکمل خاموشی چھاٸی رہی۔۔۔۔۔

دس سال بعد ملے تھے وہ دونوں کزنز۔۔۔۔مگر آنکھوں میں دونوں کے ہی سواۓ کدورت کے کوٸی اور جذبہ نہ تھا۔۔۔۔

محیب اپنے سیل میں کسی سے میسج پر بات کرنے میں مگن تھا۔۔۔۔

ناجانے کیوں اس کی موجودگی ہر پرانے زخم کو تازہ کررہی تھی۔۔۔۔جیسے پوری زندگی فلم کی طرح آنکھوں کے سامنے چلنے لگی

”میں نجمہ۔۔۔۔۔۔ملک جیسے امیر و کبیر خاندان کی اکلوتی پوتی۔۔۔۔مگر مجھے اور میری ماں کو کبھی اس خاندان نے قبول نہیں کیا۔۔۔۔کیونکے میری ماں ماضی میں ایک ناچ گانا کرنے والی عورت تھی۔۔۔۔۔میرے مرحوم ڈیڈ کو وہ ایک پارٹی میں ملی تھیں۔۔۔۔میری مام کبھی بھی ناچ گانے والی نہیں بننا چاہتی تھیں۔۔۔۔کون سی عورت چاہتی ہے؟؟۔۔۔۔وہ ایک ساٸبان کی تلاش میں تھیں۔۔۔۔بتایا تھا انھوں نے مجھے۔۔۔۔کتنی دعائيں کیا کرتی تھیں وہ اس دلدل سے نکلنے کی۔۔۔۔۔مگر وقت و حالات ان کے مخالف سمت کھڑے تھے۔۔۔۔وہ چاہ کر بھی ایک مدت تک اس دلدل سے نہ نکل سکیں۔۔۔۔پھر ایک دن جیسے کوٸی کرشمہ ہوا۔۔۔۔ان کی ملاقات میرے ڈیڈ سے ایک رنگین پارٹی میں ہوٸی۔۔۔۔میری مام بہت خوبصورت تھیں۔۔۔۔اتنی کے نظریں نہیں ٹہرتیں تھیں ان پر۔۔اس رات ان کی پہلی بار بولی لگنی تھی۔۔۔۔۔ڈیڈ کا دل آگیا ان پر۔۔۔۔ ۔۔۔۔سب سے اونچی بولی لگا کر انھیں ایک رات کے لٸے خریدا۔۔۔۔وہ ملک کے امیر و کبیر آدمی اور ایک سیاست دان گھرانے سے تعلق رکھتے تھے۔۔۔۔۔میری مام گندی نہیں تھیں۔۔۔۔بالکل بھی نہیں۔۔۔۔بس مجبور تھیں۔۔۔۔مام بہت ڈر گٸیں تھیں۔۔۔۔انھیں زبردستی ڈیڈ کے فارم ہاوس پہنچایا گیا۔۔۔ڈیڈ کے کمرے میں آتے ہی انھوں نے خود کو بچانے کے لیے ساٸیڈ ٹیبل پر رکھے لمپ سے ان کے سر پر وار کرنا چاہا۔۔۔۔ڈیڈ کافی پھرتیلے تھے۔۔۔وہ نہ صرف خود کو بچانے میں کامیاب ہوۓ بلکے دو تین لمحوں میں ہی انھوں نے مام کو زمین پر زیر کردیا۔۔۔۔اس لمحے میری مام بےبسی کے عالم میں چیخ کر کہنے لگیں۔۔۔۔

(میں صرف ناچ گانا کرتی ہوں۔۔۔میں نے کبھی کسی غیر مرد کو خود کو چھونے نہیں دیا۔۔۔۔۔پلیز۔۔۔۔اللہ کے واسطے مجھے چھوڑ دیں ۔۔۔۔۔یا پھر نکاح کریں۔۔۔۔ورنہ میں یہیں خود کشی کرلوں گی۔۔۔۔مگر اپنے وجود کو آپ کو حرام طریقے سے چھونے نہیں دوں گی۔۔۔)....ڈیڈ ہکا بکا ہوکر انھیں دیکھنے لگے۔۔۔۔۔ان کی آنکھوں میں سچاٸی تھی۔۔۔۔۔یہ دیکھ وہ ان سے دور ہٹ کر کھڑے ہوگٸے۔۔۔۔۔

کون جانتا تھا کے عبدالرحمان ملک جیسے مرد کو ایک ناچنے والی اتنی اچھی و پاکیزہ لگے گی۔۔۔۔کے وہ اسے نکاح کے مقدس رشتے میں باندھنے کے لیے تیار ہوجاٸیں گے۔۔۔۔۔

انھوں نے اسی رات فارم ہاوس پر ہی گواہوں کی موجودگی میں میری مام سے نکاح کیا۔۔۔ساتھ ساتھ انھیں زندگی بھر تحفظ دینے کا وعدہ بھی۔۔۔۔۔

میرے ڈیڈ بڑے ہی نڈر قسم کے مرد تھے۔۔۔دوسرے ہی دن میری مام کو ۔۔۔(جو دنیا کی نظر میں ایک ناچنے والی وحشیہ تھی) لے کر ملک مینشن پہنچ گٸے۔۔۔۔۔۔

دادا بہت ناراض ہوۓ۔۔۔۔۔دادی نے ان کا نکاح قبول کرنے سے ہی انکار کردیا۔۔۔۔۔

ڈیڈ کو گھر سے نکال دیا گیا۔۔۔۔۔

مگر اس سب کے باوجود انھوں نے مام کا ساتھ نہیں چھوڑا۔۔۔۔ایک چٹان کی طرح ان کے اور باہری دنیا کے سامنے کھڑے ہوگٸے۔۔۔۔۔

ایک کمپنی میں جاب کی ۔۔۔۔اور کراۓ کے مکان میں رہنے لگے۔۔۔

ان کی زندگی بہت خوشحال گزر رہی تھی۔۔۔

کے پھر ایک دن میرے دادا کے انتقال کی خبر ڈیڈ تک پہنچی۔۔۔۔۔

ڈیڈ مام کو لے کر ان کے جنازے پر گٸے۔۔۔۔۔

دادی نے صاف کہا۔۔۔۔کے انھیں تو ملک مینشن میں آنے دیں گی۔۔۔مگر میری مام کو نہیں۔۔۔۔۔

ڈیڈ اس وقت بہت مجبوری کی حالت میں تھے۔۔۔۔اپنے باپ کے جنازے کو کندھا دینا چاہتے تھے۔۔۔۔

اس لیے مام کو ڈرائیور کے ساتھ واپس گھر بھیج دیا۔۔۔۔

مام اس وقت پریگننٹ تھیں۔۔۔۔

ڈیڈ ایک ماہ تک واپس نہیں آۓ۔۔۔۔۔نہ ہی کوٸی کانٹیک کیا۔۔۔

مام کے پاس سیل فون نہیں تھا۔۔۔۔

مام بہت پریشان ہوگٸیں تھیں۔۔۔۔پیسے بھی ختم ہورہے تھے۔۔۔۔

اب انھیں یہ خیال ستانے لگا تھا کے ڈیڈ نے انھیں چھوڑ دیا ہے۔۔۔۔

وہ دن رات جاۓنماز پر بیٹھی روتی رہتیں۔۔۔۔

بڑی مجبوری کے عالم میں انھوں نے ملک مینشن جانے کی ہمت کی۔۔۔۔

دادی اور بڑی امی نے انھیں ملک مینشن کی دہلیز پار نہیں کرنے دی۔۔۔۔

میری مام دروازے پر ہی چیخ چیخ کر ڈیڈ کا نام پکارنے لگیں۔۔۔۔

تب دادی نے ان پر ایک ہولناک انکشاف کیا۔۔۔۔جس نے میری مام کے پاٶں کے نیچے سے زمین نکال دی۔۔۔۔

وہ تھا میرے ڈیڈ کی اچانک موت کا۔۔۔۔۔

مام کو یقین نہیں آیا۔۔۔۔کے ان پر قیامت آکر گزر گٸ ۔۔اور انھیں خبر ہی نہ ہوٸی۔۔۔۔۔۔

ان کا ساٸبان اب نہ رہا۔۔۔۔۔

وہ اسی لمحے غش کھاکر گرگٸیں۔۔۔۔

جب آنکھ کھلی تو وہ ایک بڑے سے خوبصورت کمرے کے بیڈ پر تھیں۔۔۔۔

اس کمرے کی دیواروں پر میرے ڈیڈ کی تصویریں لگی تھیں۔۔۔۔جنھیں دیکھ مام پھوٹ پھوٹ کر رونے لگیں۔۔۔۔۔

مام کہاں جاتیں؟؟؟۔۔۔۔مکان کا کرایہ تک دینے کے پیسے نہیں تھے ان کے پاس۔۔۔۔۔

انھوں نے میری دادی (رقیہ بیگم )کے پاٶں میں گر کر ملک مینشن میں رہنے کی بھیک مانگی ۔۔۔۔۔

مام کو خوش فہمی ہوٸی کے اس بوڑھی خاتون کو ان پر ترس آگیا۔۔۔۔جبکے اصل میں تو انھیں موقع مل گیا تھا اپنی ساری بھڑاس نکالنے کا۔۔۔۔۔

وہ پریگننٹسی کی حالت میں بھی میری مام سے نوکرانیوں کی طرح کام لیتیں۔۔۔۔

اور صرف وہی کیوں۔۔۔۔ملک مینشن کے تمام ہی افراد میری مام کو ایک نوکرانی کی طرح ٹریٹ کرتے۔۔۔۔۔

جس پر وہ بیچاری کچھ نہ کہتیں۔۔۔صرف رات میں بیٹھ کر روتی رہتیں۔۔۔۔

پھر میں پیدا ہوٸی۔۔۔۔۔

میری اور محیب کی دشمنی اسی دن سے شروع ہوٸی۔۔۔۔

وہ مجھ سے پورے دس سال بڑا تھا۔۔۔۔

میں نہیں جانتی کیوں۔۔۔مگر محیب مجھ سے سخت نفرت کرتا تھا۔۔۔۔اور باقی گھر کے افراد بھی۔۔۔۔۔سواۓ جازع کے۔۔۔۔۔

"محیب " اور "جازع " میرے بڑے ابو کے بیٹے۔۔۔۔

دونوں بھاٸی۔۔۔مگر مزاج میں زمین و آسمان کا فرق۔۔

جہاں محیب میری مام کو ناچنے والی کہ کر بلاتا تھا۔۔۔وہیں جازع انھیں بہت تمیز سے چاچی کہ کر مخاطب کرتا ۔۔۔۔

محیب کی سالگرہ کا دن تھا۔۔۔۔وہ پورے انیس سال کا ہوگیا تھا۔۔۔۔اور میں نو۔۔۔۔عجیب اتفاق ہے لیکن ہم دونوں ہی 23 اگست کو پیدا ہوۓ۔۔۔۔مام نے بڑی محبت سے محیب کے لیے کیک تیار کیا۔۔۔۔۔اور اسی کیک کے بچے ہوۓ سامان سے میرے لیے بھی ایک چھوٹا کیک بنا دیا۔۔۔۔۔

وہ رات مجھے آج بھی اپنی آنکھوں کے سامنے گھومتی ہوٸی نظر آتی ہے۔۔۔۔

جب محیب نے میری مام کا بنایا ہوا کیک سارے مہمانوں کے سامنے اٹھاکر زمین پر پھینک دیا۔۔۔۔اور سب کے سامنے انھیں وحشیہ کہ کر ذلیل کرنے لگا۔۔۔۔۔

میرے تن بدن میں آگ لگ گٸ تھی۔۔۔مجھ سے برداشت نہیں ہوا۔۔۔اس کا میری مام کو پوری بھری محفل میں ذلیل کرنا۔۔۔۔

جبکے کوٸی معقول وجہ بھی نہیں تھی اُس کی اِس ذلیل حرکت کی۔۔۔۔

پھر کیا تھا۔۔۔آخر ہوں تو میں بھی ملک ہی ناں۔۔۔۔ رگوں میں تو میرے بھی انہی کا خون دوڑتا ہے۔۔۔۔

میں کچن میں گٸ۔۔۔وہاں مجھے قینچی رکھی نظر آئی۔۔۔میں اٹھاکر باہر لان میں آٸی۔۔۔۔

میرا حملہ اس قدر اچانک تھا کہ وہ خود کو بچا نہیں سکا۔۔۔۔

میں نے پوری کوشش کی تھی قینچی اس کے سر کے آر پار کردوں۔۔۔اسی نیت سے میں نے وہ قینچی۔۔۔اپنی پوری طاقت کے ساتھ اس کے سر پر دے ماری۔۔۔۔

دیکھنے والوں کیلئے یقین کرنا مشکل تھا۔۔۔کے ایک نو سالہ بچی ایک انیس سالہ لڑکے پر قاتلانہ حملہ کر رہی ہے۔۔۔

محیب اسی وقت زمین پر گر گیا۔۔۔۔اور اس کے سر سے خون کے فوارے نکلنے لگے۔۔۔۔

مجھے یقین جانیں ذرا بھی افسوس نہیں تھا اپنے اس عمل پر۔۔۔۔

مجھے فورا ہی بڑے ابو نے ایک زور دار تھپڑ مارا۔۔۔۔

جس سے میں زمین بوس ہوٸی۔۔۔۔

مجھے میری مام نے جلدی سے آکر زمین سے اٹھایا۔۔۔۔

تب میں نے پوری ملک فیملی کو پاگلوں کی طرح روتے دیکھا۔۔۔۔

میرے دل کو سکون مل رہا تھا وہ منظر دیکھ۔۔۔۔۔

محیب کو میرے سامنے ہی ایمبولینس میں لے جایا گیا۔۔۔۔

میں پُرسکون کھڑی تھی۔۔۔۔

دادی نے آکر میرے چہرے پر طمانچے برساۓ۔۔۔مجھے گندی گندی گالیاں دیں۔۔۔۔

لیکن نہ تو ان کی وہ گالیاں نٸی تھی میرے لیے ۔۔۔نہ وہ طمانچے۔۔۔۔

محیب پر قاتلانہ حملہ کرنے پر۔۔۔دادی نے پولیس کو بلوا لیا۔۔۔۔

مجھے پولیس کے حوالے کیا جارہا تھا۔۔۔۔

میں بہت ڈر گٸ تھی۔۔۔میری مام روتے ہوۓ دادی کے پاٶں میں گر کر میری طرف سے معافیاں مانگنے لگیں۔۔۔۔۔

دادی تو پتھر دل خاتون تھیں۔۔۔انھیں میری مام کے آنسو کہاں فیصلہ بدلنے پر مجبور کرسکتے تھے۔۔۔۔

لیکن اچانک بڑے ابو ہسپتال سے آۓ۔۔۔انھوں نے بتایا محیب اب ٹھیک ہے۔۔۔۔

محیب کی تندرستی کی خبر میرا دل جلا گٸ تھی۔۔۔۔

محیب کی سالگرہ میں میرے ڈیڈ کے بچپن کے دوست کی پوری فیملی نے بھی شرکت کی تھی۔۔۔۔

ان کی واٸف (عناٸزہ ) بہت ہی رحم دل خاتون تھیں۔۔۔۔انھوں نے مجھے دادی کو پولیس کے حوالے نہیں کرنے دیا۔۔۔۔

وہ مجھے اپنے ساتھ امریکہ لے جانا چاہتی تھیں۔۔۔اس ماحول سے بہت دور۔۔۔۔

میری مام کو ملک مینشن میں میرا کوٸی فیوچر نظر نہیں آرہا تھا۔۔۔۔۔

عناٸزہ میڈم أمریکہ کے ایک کالج کی لیکچرار تھیں۔۔۔۔انھوں نے مام کو مکمل اعتماد میں لیا کے وہ مجھے پڑھا لکھا کر معاشرے کا ایک مفید فرد بناٸیں گی۔۔۔۔

میری مام بہت مجبور تھیں۔۔۔انھیں میرے لیے اس وقت یہی بہتر لگا۔۔۔

کچھ ماہ تک تو میرے لیے بقاعدگی سے پیسے آتے رہے۔۔۔

پھر اچانک پیسے آنا مکمل بند ہوگٸے۔۔۔۔پھر وجہ معلوم کی تو پتا چلا۔۔۔ بڑے ابو نے اپنی بیماری کے سبب سارا بزنس میرے جانی دشمن کے حوالے کردیا ہے۔۔۔جس نے بزنس سنبھالتے ہی سب سے پہلے۔۔۔ مجھے بھیجے جانے والے پیسے روکے۔۔۔۔

عناٸزہ میڈم نے میری بہت مدد کی۔۔۔ساتھ ساتھ میں نے بھی بہت چھوٹی عمر سے مختلف چھوٹی موٹی جابز کرنا اسٹارٹ کردیا تھا۔۔۔۔۔

پہلے تو میں عناٸزہ میڈم شفیق انکل اور زارون کے ساتھ ہی ایک اپارٹمنٹ میں رہتی تھی۔۔۔۔

زارون کے میرے دل کے اتنا قریب ہونے کی ایک وجہ شاید ۔۔۔اس کا میرے محسن کا بیٹا ہونا ہے۔۔۔۔

عناٸزہ میڈم اور انکل اکثر اپنی جابز کے سلسلے میں پورے پورے دن گھر نہیں آتے تھے۔۔۔تو میں زارون کے ساتھ اکیلے ہی رہا کرتی تھی۔۔۔۔

جب تک میں اسکی اپنے لیے فیلنگس سے انجان تھی۔۔۔۔

میں اس کی پرسنیلٹی کو پسند تو شروع سے ہی کرتی تھی۔۔۔۔مگر منگنی یا شادی کا کبھی تصور نہیں کیا تھا ۔۔۔۔کیونکے میرے نزدیک میں اس قابل نہیں تھی۔۔۔۔

میری پرورش ان کے پیسوں سے ہوٸی تھی۔۔۔جس کے سبب مجھے بہت کمتری محسوس ہوتی۔۔۔

مگر میری 19th سالگرہ والے دن زارون نے مجھے سارے فرینڈز اور فیملی کے سامنے پرپوز کیا۔۔۔۔

یہ میرے لیے کسی خوبصورت و حسین خواب سے کم نہیں تھا۔۔۔۔

بہت شاندار سرپراٸز برتھ ڈے پارٹی ارینج کی تھی زارون نے میرے لیے۔۔۔۔

ساتھ ساتھ مجھے ایک ریٹ رنگ کی لانگ میکسی بھی گفٹ کی۔۔۔جو دیکھنے سے ہی بہت مہنگی معلوم ہورہی تھی۔۔۔۔۔پر عجیب بندہ ہے۔۔۔۔دینے کے باوجود مانتا ہی نہیں ہے کے وہ تحفہ اس نے دیا۔۔۔۔بھلا اس کے علاوہ کون دے سکتا ہے مجھے اتنا خوبصورت و مہنگا تحفہ۔۔۔۔۔۔)۔۔۔۔وہ یادوں کے دریاں میں غوطہ زن تھی ۔۔۔۔۔

اپنی انگلی میں زارون کی پہناٸی انگوٹھی کو بڑی محبت سے دیکھتے ہوۓ۔۔۔وہ مسکرا رہی تھی۔۔۔۔

”میم۔۔۔۔یہ۔۔۔“نجمہ اس قدر کھوٸی ہوٸی تھی کے پیچھے سے سیکرٹری کے کندھے پر ہاتھ رکھتے ہی ۔۔۔۔بغیر یہ دیکھے کے کس نے ہاتھ رکھا ہے۔۔۔۔اس نے چونک کر اپنے کندھے سے اس شخص کا ہاتھ ہٹانے کی نیت سے۔۔۔۔تیزی سے اپنے ہاتھ سے اس کا ہاتھ جھٹکا۔۔

سیکرٹری کے ہاتھ میں اس کے لیے کافی کا مگ تھا۔۔۔جو اس کے ہاتھ مارنے کے سبب۔۔۔سلپ ہوکر۔۔۔۔محیب کے کپڑوں پر جا گرا۔۔۔۔

”اشش۔۔۔“وہ زبان دانتوں میں دباۓ تیزی سے کھڑی ہوٸی۔۔۔۔

محیب نے مارے صدمے کے اپنے سفید سویٹر کو دیکھا۔۔۔پھر غصیلی نگاہ اٹھاکر سامنے موجود اس سراپا حُسن کو۔۔۔۔جو زبان دانتوں میں دباۓ ابھی تک اسے ہکا بکا نگاہوں سے تک رہی تھی۔۔۔۔

گرما گرم کافی اس کے سویٹر سے ہوتے ہوۓ اسکے سینے پر جلن مچانے لگی۔۔۔اس نے اپنے ہاتھ سے سویٹر کو پکڑ کر اپنے جسم سے ہلکا سہ دور کیا۔۔۔۔

”سوری سوری۔۔۔“نجمہ پھرتی سے رومال اپنی جنیز کی جیب سے نکال کر۔۔۔اس کے قریب آکر۔۔۔اس کے سینے پر سے کافی صاف کرنے لگی۔۔۔۔

وہ بلا ججک ہی قریب آکر کافی صاف کرنے لگی تھی۔۔۔

”واٹ دا ٹربل ماسٹر۔۔۔۔“محیب نے غصے سے دانت پیستے ہوۓ ۔۔۔اسے دیکھ کہا۔۔۔

رومال اسکے خوبصورت ہاتھ سے چھین کر۔۔۔”اپنے گندے ہاتھ دور رکھو مجھ سے۔۔۔“حقارت بھری نگاہ اس کے وجود پر ڈالے ۔۔۔کہتے ہوۓ۔۔۔ تیزی سے کھڑا ہوا۔۔۔۔

”گندے ہاتھ؟؟۔۔۔۔دنیا سدھر سکتی ہے۔۔۔پر یہ مینڈک نہیں۔۔۔۔بڑا آیا۔۔۔میرے ہاتھوں کو گندا کہنے والا۔۔۔“نجمہ کی ٹھیک ٹھاک تپ گٸ تھی اس کے الفاظ سن۔۔۔۔وہ دانت پیستی ہوٸی اپنی جگہ پر واپس بیٹھتے ہوۓ۔۔۔منہ بسور بولی۔۔۔۔

****------******

محیب کے سیدھے کان پر بلو ٹوتھ رہتا ۔۔۔جس پر وہ ہر وقت بزنس کے سلسلے میں مصروف نظر آتا۔۔۔۔۔

”افف۔۔۔اندھی ہوکیا؟؟“نجمہ اپنی دھن میں مگن سیڑھیاں چڑ رہی تھی۔۔۔کے اچانک سامنے سے محیب سے ٹکراٸی۔۔۔جس پر وہ بری طرح چڑتے ہوۓ کہنے لگا۔۔۔

”نہیں نہیں۔۔۔تم سے نہیں بول رہا۔۔۔ویٹ۔۔۔ میں تم سے بعد میں بات کرتا ہوں۔۔۔“سیل کی دوسری جانب موجود شخص نے کچھ کہا۔۔۔جو نجمہ سن نہ سکی۔۔۔۔محیب نے اسے جھنجھلاتے ہوۓ جواب دیا اور کال ڈس کنیکٹ کردی۔۔۔

”کہاں؟؟؟۔۔۔گھر کے ملازمین کے کمرے اوپر نہیں ہیں۔۔۔بھول گٸیں کیا؟؟۔۔۔“نجمہ اسے واپس کال پر بات کرتا دیکھ۔۔اوپر کی جانب بڑھنے ہی لگی تھی کے اس نے تیزی سے بازو پکڑ کر روکتے ہوۓ طنزیہ استفسار کیا۔۔۔۔

نجمہ کو دیگر مہمانوں کی طرح گیسٹ روم نہیں دیا گیا تھا ملک مینشن میں رہنے کے لیے۔۔۔بلکے اس کے حصے میں وہی چھوٹا سہ کمرہ آیا تھا جہاں وہ بچپن میں رہا کرتی تھی۔۔۔۔۔مگر وہ ایک ہفتے کے لیے تو آٸی تھی۔۔۔اس لیے اتنا خاص اسنے اس بات کو اہمیت نہیں دی۔۔۔۔

”مجھے یاد ہے محیب اجلال ملک۔۔۔۔۔“ اس کا آنکھوں میں آنکھیں ڈال بےخوف ہوکر نام لینا محیب کے تن بدن میں آگ بھڑکا گیا تھا۔۔۔۔

محیب نے اس کے نازک بازو پر پکڑ مزید مضبوط کی۔۔۔

”تمھاری اتنی مجال۔۔۔“وہ جزبز ہوکر ۔۔اس کے وجود پر غصیلی نگاہیں ٹکاۓ گویا ہوا۔۔۔۔

”ہاتھ ہٹاٶ۔۔۔اپنا یہ رعب و دبدبا ان لوگوں کو دیکھاٶ۔۔۔جو تمھارے پیسوں پر پلتے ہوں۔۔۔اوکے۔۔۔ناٶ پلیز ۔۔۔اسکیوزمی۔۔۔“وہ محیب کی گہری نیلی آنکھوں میں جھانکتے ہوۓ ۔۔۔۔ ایک جھٹکے سے اپنا بازو اس کی گرفت سے آزاد کرا کے۔۔اپنے لہجے کو حتی المکان نارمل رکھتے ہوۓ ۔۔۔طنزیہ مسکراہٹ لبوں پر سجاۓ کہنی لگی۔۔۔۔

وہ اس نازک صفت لڑکی کی جرات پر حیران رہ گیا ۔۔۔

اس طرح آنکھوں میں آنکھیں ڈال کر کبھی کسی نے اسکا نام نہیں لیا تھا۔۔۔۔۔

”تمھیں نہیں لگتا تمھاری زبان حد سے زیادہ چل رہی ہے؟؟؟“وہ اتراتے ہوۓ ابھی ایک قدم بڑھی بھی نہ تھی کے محیب نے اسکا بازو دبوچ کر اپنی جانب موڑا۔۔۔۔وہ برف کی طرح سرد لہجے میں استفسار کرنے لگا۔۔۔۔اسکی آنکھیں اسکے غصے کا پتا دے رہی تھیں۔۔۔۔۔

”اور آپ کو نہیں لگتا ۔۔آپ کے ہاتھ حد سے زیادہ چل رہے ہیں؟؟“وہ ترکی پہ ترکی مار رہی تھی۔۔۔۔اس بار غصے کا جواب غصے میں دیا ۔۔۔۔

آنکھیں اس کی بھی آگ برسا رہی تھیں مقابل پر۔۔۔۔۔

”ہاتھ چھوڑیں میرا۔۔۔۔“وہ اپنا بازو چھڑانے کی کوشش کرتے ہوۓ بولی۔۔۔لیکن اس بار محیب اپنی انا کا مسٸلہ بنا بیٹھا تھا۔۔۔

”نہ چھوڑوں تو کیا کرلو گی؟؟۔۔۔پھر سے مجھ پر قاتلانہ حملہ کرٶ گی؟؟“ایک جھٹکے سے اسے اپنے قریب کر۔۔۔۔اس کی چہرے پر آتی آوارا لٹ کو کان کے پیچھے کرتے ہوۓ۔۔۔ زچ کرنے والے انداز میں پوچھنے لگا۔۔۔۔۔

”محیب اجلال ملک بڑی غلط فہمی ہے تمھیں۔۔۔۔اس بار قاتلانہ حملہ نہیں کرٶں گی۔۔۔اس بار ڈاٸریکٹ قتل کرٶں گی تمھارا۔۔۔۔۔“آنکھوں میں جیسے جنون اترا تھا اس لڑکی کے۔۔۔۔بلاخوف آنکھوں میں آنکھیں ڈال ۔۔۔۔ایک ایک لفظ چبا چبا کر۔۔۔۔قطعی انداز میں کہنے لگی۔۔۔۔

”ہیلو۔۔۔“پیچھے سے آنے والی مردانہ و نرم آواز نے ان دونوں کی توجہ اپنی جانب مبذول کی تھی۔۔۔۔

”جازع ۔۔۔“جازع پر پہلی نگاہ پڑتے ہی وہ خوشی سے دو دو فٹ اچھلی تھی۔۔۔۔اس کی آنکھیں ۔۔۔جو کچھ ثانیوں پہلے آگ برسا رہی تھیں ۔۔۔اس حسین نوجوان کو دیکھتے ہی اب ان میں جگنو جگمگانے لگے ۔۔۔۔

محیب نے جازع کو دیکھ۔۔۔ تیزی سے بازو چھوڑا۔۔۔۔تو وہ خوشی خوشی سیڑھیاں پھیلانگتی ہوٸی جازع کے پاس جا پہنچی۔۔۔۔

”نجمہ۔۔۔۔واو۔۔۔کتنی بڑی اور پیاری ہوگٸ ہو تم۔۔۔“جازع بھی بہت خوش ہوا تھا اسے دیکھ۔۔۔۔تیزی سے اسکے گلے لگ گیا۔۔۔۔۔

جازع کے گلے لگتے ہی نجمہ اور محیب دونوں کی آنکھیں حیرت سے پھیلیں۔۔۔۔۔

بہت گرم جوشی سے وہ گلے لگا تھا۔۔۔۔

اپنے حصار میں نجمہ کو جکڑے دو تین ثانیوں کے لیے کھڑا رہا۔۔۔۔۔

نجمہ زارون کے علاوہ کسی مرد کو بھی کبھی اپنے اتنے قریب نہیں آنے دیتی تھی۔۔۔جتنا جازع آگیا تھا۔۔۔۔

محیب کی نگاہیں ان دونوں پر ہی ٹکیں تھیں۔۔۔۔

”مجھے نہیں لگتا تھا میں تمھاری زندگی میں اتنی اہمیت رکھتا ہوں کے تم واپس لوٹو گی۔۔۔۔شکریہ۔۔۔بہت بہت شکریہ۔۔۔“وہ مسکرا کر کہتا ہوا اس کے گلے سے ہٹا۔۔۔۔

”ویلکم۔۔۔۔“نجمہ بہت اَنکمفرٹیبل فیل کررہی تھی۔۔۔نظریں جھکاۓ ۔۔۔بڑی مشکل سے ہونٹوں پر مسکان سجاۓ کہا۔۔۔۔۔

”آٶ چلو میرے ساتھ۔۔۔میں تمھیں ثوبیہ کی تصویریں دیکھاتا ہوں۔۔۔“نجمہ بہت چھوٹی تھی جب وہ ملک مینشن سے گٸ تھی۔۔۔

سواۓ جازع کی دی ہوٸی کچھ اچھی یادوں کے۔۔۔ ساری تلخ یادیں ہی بھری تھیں اس کے دامن میں۔۔۔یہی سبب تھا کے جازع کے لیے اس کے دل میں بہت احترام تھا۔۔۔۔

جازع ہاتھ پکڑ کر اسے اپنے ساتھ اپنے کمرے کی جانب لے گیا تھا۔۔۔۔

محیب اور جازع کے درمیان کسی بات کو لے کر سخت ناراضگی چل رہی تھی۔۔۔

جازع نے محیب کو مکمل اگنور کیا تھا۔۔۔۔

محیب نے بھی اسکے اگنور کرنے پر کوٸی خاص توجہ نہ دی۔۔۔کیونکے وہ واقف تھا جازع شدید ناراض اور دکھی ہے۔۔۔۔۔

یہ پہلی بار تھا کے جازع نے اپنی کسی دلی خواہش کا شدت سے اظہار کیا محیب سے۔۔۔ اور اس نے صاف انکار کردیا۔۔۔۔کے اسکی خواہش کبھی پوری نہیں ہوسکتی ۔۔۔۔

”واو۔۔۔۔آپ کا کمرہ تو دس سال بعد بھی بالکل نہیں بدلا۔۔۔۔“نجمہ نے کمرے میں داخل ہوتے ہی بڑی حیرت و مسرت بھرے لہجے میں کہا۔۔۔۔

جازع مسکراتے ہوۓ اثبات میں سر ہلانے لگا۔۔۔۔

”یاد ہے۔۔۔میں اکثر کھیل کے دوران اسی گلدستے کے پیچھے چھپا کرتی تھی۔۔۔۔“وہ کورنر پر رکھے گلدستے کو دیکھ۔۔۔آنکھوں میں نمی لیے بولی۔۔۔۔۔۔

جازع کے کمرے سے اسکے بچپن کی کچھ حسین یادیں وابستہ تھیں۔۔۔۔

”یہ لو۔۔۔“جازع نے اپنی الماری سے ایک پرانی مگر خوبصورت جیکٹ نکال کر اسکی جانب بڑھاتے ہوۓ کہا۔۔۔۔

”یہ جیکٹ۔۔۔۔یہ تو۔۔۔“وہ بولتے بولتے رک گٸ تھی۔۔۔ایک تلخ و میٹھی یاد کی ملی جھلی کیفیت نے اسے اپنے حصار میں جکڑا ۔۔۔۔

”یہ بلیک جیکٹ۔۔۔۔مجھے آج بھی اچھی طرح یاد ہے۔۔۔۔اور پھر میں اسے بھول بھی کیسے سکتی ہوں۔۔۔۔۔بہت سردی تھی۔۔۔۔۔ملک مینشن کے ہر کمرے میں ہیٹر کا انتظام تھا سواۓ میرے چھوٹے کمرے کے۔۔۔۔مام ان دنوں بیماری کے سبب ہسپتال میں زیرِ علاج تھیں۔۔۔میں اکیلی تھی ۔۔۔۔مجھے یاد ہے۔۔میں کیسے ٹھٹر رہی تھی۔۔۔میرے دانت بج رہے تھے۔۔۔۔دو تین کمبل اوڑھنے کے باوجود میری سردی کم نہیں ہورہی تھی۔۔۔اوپر سے مجھے شدید بھوک بھی لگی ہوٸی تھی۔۔۔مام گھر پر ہوتیں تو مجھے کبھی بھوکا نہ سونے دیتیں۔۔۔۔مجھے سردی اور بھوک کے سبب نیند ہی نہیں آرہی تھی۔۔۔۔

آخرکار میں نے فیصلہ کیا کچن میں جاکر کچھ کھانے کا۔۔۔۔۔کمرے سے باہر نکلتے ہی ٹھنڈ کے مارے مجھے اپنے ہاتھ پاٶں سن ہوتے محسوس ہوۓ۔۔۔۔میں اسی حالت میں اپنے وجود میں ہمت جمع کر۔۔۔کچن میں پہنچی۔۔۔۔وہاں مجھے فریج میں محیب کا چھوڑا ہوا چیس برگر نظر آیا۔۔۔۔مجھ سے رہا نہیں گیا۔۔۔اور میں نے فریج سےنکال کر ٹھنڈا ہی کھالیا۔۔۔۔گھر کے سارے ملازمین بھی مجھے ایک نوکرانی کی بیٹی کی طرح ٹریٹ کرتے تھے۔۔۔۔جازع اور محیب کو سب ملازمین ماسٹر کہتے جبکے مجھے مس نجمہ ۔۔۔۔میں کچن سے برگر کھاتے ہوۓ اپنے کمرے کی جانب تیزی بڑھ رہی تھی کے مجھے جازع لاونچ میں صوفے پر بیٹھا نظر آیا۔۔۔۔جازع نے جب مجھے سردی میں سکڑتا ہوا دیکھا۔۔۔۔تو تیزی سے اپنی جیکٹ اتار کر مجھے پہنادی۔۔۔۔۔

(خیال رکھو اپنا۔۔۔جب تک چاچی ہسپتال میں ہیں۔۔)جازع نے مسکرا کر۔۔۔۔میری ہمت بڑھاتے ہوۓ کہا۔۔۔

(کہیں جارہے ہیں آپ؟؟)

(ہاں۔۔۔۔میرا میچ ہے کل اسکول میں۔۔۔۔اس لیے کوچ نے مجھے بلایا ہے پریکٹس کرنے کے لیے۔۔۔۔)ہر بار کی طرح نہایت نرمی سے جواب دیا۔۔۔۔

(اوو۔۔۔اگر آپ باہر جارہے ہیں۔۔تو آپ یہ واپس پہن لیں۔۔۔ورنہ آپ کو سردی لگ جاۓ گی۔۔۔)میں نے جیکٹ اتارتے ہوۓ کہا۔۔۔۔

(نہیں۔۔نہیں۔۔۔تم پہنی رہو۔۔۔میں کسی ملازم سے کہ کر دوسری منگا لیتا ہوں اپنے لیے۔۔۔)

میں اثبات میں سر ہلاتی ہوٸی خوشی خوشی جیکٹ کو پہنے اپنے کمرے کی جانب بڑھنے لگی کے اچانک مجھے سامنے سے محیب آتا نظر آیا۔۔۔۔میری جان کا دشمن۔۔۔۔

(تم نے جازع کی جیکٹ کس سے پوچھ کر پہنی ہے ؟؟)وہ ہر بار کی طرح مجھ پر چیخنے لگا۔۔۔۔

اس نے جیکٹ مجھ سے چھین لی۔۔۔اور زمین پر پھینکتے ہوۓ ملازمہ کو آواز دے کر حاکمانہ انداز میں کہا۔۔۔۔(یہ جیکٹ اس لڑکی نے گندی کردی ہے۔۔۔۔اسے جلا دو)....

مجھے سمجھ نہیں آیا۔۔۔۔صرف میرے پہننے سے وہ جیکٹ کیسے گندی ہوگٸ؟؟۔۔۔۔اور اگر گندی ہو ہی گٸ ہے۔۔۔تو پھر مجھے ہی دے دے۔۔۔۔جلا کیوں رہا ہے وہ ظالم؟؟۔۔۔۔

(جلوا کیوں رہے ہیں آپ؟؟۔۔۔مجھے دے دیں۔۔۔مجھے ویسے بھی اس کی ضرورت ہے۔۔۔)میں نے منتی انداز میں کہا۔۔۔۔

(یہ میرے چھوٹے بھاٸی کی جیکٹ ہے۔۔۔۔تمھاری اوقات نہیں ہے اسے پہننے کی ۔۔۔)وہ کہ کر مجھے حقارت بھری نظر سے دیکھتے ہوۓ وہاں سے چلا گیا۔۔۔۔

اس جیکٹ کے چھینے سے کہیں زیادہ اس کی نگاہوں کی حقارت نے اذیت پہنچاٸی تھی میری ننھی سی روح کو۔۔۔۔”وہ اپنی یادوں میں کھوٸی ہوٸی تھی کے جازع نے اسکی آنکھوں کے آگے چٹکی بجاٸی۔۔۔۔جس پر وہ حواسوں میں لوٹی۔۔۔۔۔

”ہاں۔۔۔میں نے ملازمہ سے بعد میں لے لی تھی۔۔۔۔بس تمھیں واپس دینے کا موقع نہیں ملا۔۔۔“وہ مسکراتے ہوۓ کہنے لگا۔۔

”یہ آپ اپنے پاس ہی رکھیں۔۔۔۔مجھے اب اس کی ضرورت نہیں ہے۔۔۔۔۔۔“نجمہ نے جیکٹ لینے سے صاف انکار کردیا تھا۔۔۔۔کیونکے وہ صرف جیکٹ نہیں تھی۔۔۔اس سے محیب کی حقارت بھری نظریں بھی منسوب تھیں۔۔۔۔اور وہ چھبتی ہوٸی نظریں۔۔۔اسے آج بھی یاد تھیں۔۔۔۔

وہ تکلیف جو دس سال پہلے اس نے محسوس کی تھی۔۔۔وہ آج بھی ویسی ہی تکلیف محسوس کررہی تھی۔۔۔

جازع کا منہ لٹک گیا تھا نجمہ کا اتنا صاف انکار سن۔۔۔۔

کیونکے یہ جیکٹ اس نے بڑی مشکل سے محیب سے حاصل کی تھی۔۔۔۔

”ویسے بھی میرا قد لمبا ہوگیا ہے ۔۔۔۔یہ مجھے اب نہیں آۓ گی۔۔۔“جازع کے اداس چہرے کو دیکھ ۔۔وہ تیزی سے دل جوٸی کی نیت سے بولی۔۔۔۔

”چلو۔۔۔میں ہی اسے رکھ لیتا ہوں۔۔۔۔“وہ اداسی سے مسکراتے ہوۓ۔۔۔جیکٹ لے کر الماری کی جانب بڑھ گیا